ណែនាំចំណេះដឹងហិរញ្ញវត្ថុទៅកូនៗរបស់យើង

ចំណេះដឹងហិរញ្ញវត្ថុមានសារៈសំខាន់ណាស់សម្រាប់ក្មេងៗ ព្រោះវាដាក់មូលដ្ឋានគ្រឹះសម្រាប់ពួកគេក្នុងការទុកដាក់ និង ប្រើប្រាស់លុយកាក់ដោយភាពឆ្លាតវៃ គ្រឹះទាំងនេះវានឹងក្លាយទៅជាចំណេះដឹងដ៏សំខាន់ដែលនឹងជួយពួកគេពេញមួយជីវិតទោះបីជាមិនមានវត្តមានយើងនៅជាមួយពួកគេទៀតក៏ដោយ ។

ខាងក្រោមនេះគឺជាចំណុចសំខាន់ខ្លីៗ ដែលខ្ញុំលើកមកពន្យល់បែបងាយៗ

១. ទ្រព្យសកម្ម និងបំណុល (ASSET AND LIABILITY)

• ទ្រព្យសកម្ម = របស់ដែលយកលុយមកចូលក្នុងហោប៉ៅរបស់អ្នក
• បំណុល = របស់ដែលយកលុយចេញពីហោប៉ៅរបស់អ្នក

គ្រួសារដែលមានជីវភាពខ្សត់ខ្សោយជាទូទៅនឹងមិនបង្រៀនកូនៗពួកគេអំពីរឿងនេះទេ ដោយសារតែមិនមានចំណេះដឹងហិរញ្ញវត្ថុ។

គ្រួសារដែលមានជីវភាពល្អ គេអោយអាទិភាពទៅលើទ្រព្យដែលអាចបង្កើតប្រាក់ចំណូល។ ផ្លូវទៅកាន់ភាពមានបាន គឺចាប់ផ្តើមដោយការមានទ្រព្យសម្បត្តិត្រឹមត្រូវ ។

២. ភាពជោគជ័យកើតចេញពីការប្រឹងប្រែង

ឪពុកម្តាយអ្នកមានបង្រៀនកូនៗរបស់ពួកគេ ភាពជោគជ័យបានមកពីការខិតខំប្រឹងប្រែង ដើម្បីទទួលបានវា មិនមែនជាមរតកដែលពួកគេទទួលបានទេ។ ការ​អនុវត្ត ការធ្វើសកម្មភាព ការធ្វើផែនការ ​គឺ​ជាកត្តាសំខាន់ដើម្បីឆ្ពោះទៅដល់គោលដៅដែលយើងចង់ទៅដល់ ។

៣. លុយគឺជាឧបករណ៍ដ៏មានឥទ្ធិពល

• មនុស្សមានផ្នត់គំនិតអន់ថយ ទុកលុយជាមូលហេតុនៃបញ្ហា
• មនុស្សមានផ្នត់គំនិតជឿនលឿន ទុកលុយជាឧបករណ៍សម្រាប់តម្រង់ទិសក្នុងជីវិត

វិនិយោគទៅលើ៖

• ភាគហ៊ុន
• អចលនទ្រព្យ
• អាជីវកម្ម

ហើយទ្រព្យសម្បត្តិទាំងនោះនឹងនាំមកវិញនូវប្រាក់កាន់តែច្រើន វាជាសោសេរីភាពនៃហិរញ្ញវត្ថុ ។

៤. រៀនបង្កើតទំនាក់ទំនង

បង្រៀនកូនកូនទៅលើជំនាញសង្គម៖

• បង្កើតទំនាក់ទំនងដែលមានប្រយោជន៍
• ចូលរួមសហការក្នុងព្រឹត្តិការណ៍ ឬ សិក្ខាសាលាផ្សេងៗ
• ចេះចាប់យកឱកាស

បណ្តាញនិងផ្តល់មកវិញនូវគុណសម្បត្តិ៍ទៅថ្ងៃអនាគត ។

៥. បំណុលល្អ និងអាក្រក់

• កង្វះចំណេះដឹងហិរញ្ញវត្ថុ ទូទៅកម្ចីប្រាក់ក្នុងគោលបំណងដើម្បីចង់បានរបស់អ្វីមួយ
• មានចំណេះដឹងហិរញ្ញវត្ថុ កម្ចីប្រាក់ក្នុងគោលបំណងដើម្បីទទួលបានលុយត្រលប់មកវិញ

1. បំណុលអាក្រក់៖ ទូរស័ព្ទ វិស្សមកាល រថយន្តទំនើប
2. បំណុលល្អ៖ អចលនទ្រព្យ ការវិនិយោគ កំណើនអាជីវកម្ម

៦. ដោះស្រាយអ្វីដែលមនុស្សលោកកំពុងប្រឈម

លុយនឹងហូរចូលមក នៅពេលដែលយើងអាចដោះស្រាយបញ្ហាដែលមនុស្សលោកកំពុងប្រឈម បញ្ហាដែលមនុស្សលោកកំពុងខ្វល់ខ្វាយ ។ សេដ្ឋីពិភពលោក ELON MUSK បានដោះស្រាយបញ្ហាធំៗជាច្រើនដែលមនុស្សយើងប្រឈម និងខ្វល់ខ្វាយ ដូចជា STARLINK, ELICTRIC VEHECLE, SOLARCITY ទាំងនេះជាគម្រូដែលយើងអាចយកមកជាមេរៀន ។

ទស្សនៈវិទ្យានៃលុយ

• លុយហូរទៅរកដំណោះស្រាយ
• បញ្ហាកាន់តែធំ លុយកាន់តែធំ

៧. កុំស្លន់ស្លោចង់ឆាប់ក្លាយជាអ្នកមាន

ទ្រព្យសម្បត្តិត្រូវការពេលវេលាកសាងក្នុងរយៈពេលយូរឆ្នាំ វាមិនមែនអាចកសាងបានក្នុងរយៈពេល ២ ឬ ៣ សប្តាហ៍ ឬក៏១ខែ ២ខែនោះទេ ដូច្នេះហើយយើងត្រូវការចេះរៀបចំគោលដៅ និងផែនការ ។

៨. ក្រៅពីកាត់បន្ថយការចំណាយ ផ្តោតលើការបង្កើនប្រាក់ចំណូល

បង្កើតប្រាក់ចំណូល + កសាងទ្រព្យសកម្ម = មាត្រដ្ឋានទ្រព្យសម្បត្តិ

៩. ឱ្យប្រាក់ធ្វើការ

• មនុស្សទី១ វិនិយោគពេល​វេលា​ដើម្បី​លុយ​និង​ចំណាយទៅវិញ
• មនុស្សទី២ វិនិយោគលុយដើម្បីទិញពេលវេលាត្រឡប់មកវិញ

ប្រែសម្រួលនិងខ្លឹមសារមេរៀនពី RICH DAD​ POOR DAD